EKO NINU INIRA

Aini ifokanbale mu ki Dafidi mo awon ore otito. Okunrin yi ro tele pe gbogbo eniyan lo feran oun, titi di igba ti omo re gba ijoba re ti awon ore re si dale re. Bi Dafidi se sa kuro lowo omo re Absalomu, ni okunrin pataki kan ti a npe ni Simei fi igboya fi iru eniyan to je han. O fi Dafidi gegun/re, o si da erupe ati okuta sii lara, ni itumo pe oun se ilodi si ijoba re. Bibeli so wipe Dafidi oba si de bahurimu, si woo, okunrin kan ti ibe jade wa lati idile Saulu wa, oruko re a maa je Simei, omo Gera, o si nbu eebu bi o ti nbo. O si so okuta si Dafidi, ati si gbogbo iranse dafidi oba, ati si gbogbo awon eniyan, gbogbo awon alagbara okunrin si wa lowo otun re ati lowo osi re. Bayi ni Simei si wi nigbati o nbu eebu, jade, jade iwo okunrin eje, iwo okunrin Beliali. Oluwa mu gbogbo eje idile Saulu pada wa si ori re, ni ipo eni ti iwo joba, Oluwa ti fi ijoba naa le Absalomu omo re lowo, si woo, iwa buburu re ni o mu eyi wa ba o, nitori okunrin eje ni iwo (2Samueli 16:5-8). Simei wa bebe, sugbon a ti keeko (2Samueli 19:18-20).

EKO

Ile aye je ikeko, awon omo Olorun ni lati maa ko eko ni ipokipo ti won ba wa. Olorun kii fiya je eniyan, sugbon ni igba miran, a maa je ki awon omo re la akoko to le koja, ki won le ko eko ti won iba yera fun.Olorun a maa koni leko ninu inilara, a si maa lo akoko ti ko rorun, ki a le sun sokoto wa le. Nitorina, awa Kristeni ni lati maa ko eko ninu ipokipo ti o ba de ba wa.

A ni lati mo bi a se le tumo ohun Olorun ni akoko inilara, ki a ko bi a se lee gbo, ki a si gba. Bi o ba se je nigba miran ko ye ki a maa wa ona abayo ni kiakia, titi a o fi ko eko to ye. Lai siyemeji, Olorun yi o yi inilara wa pada si aseyori, bi a ba ti ko eko to ye. Eleda yi o mu wa bori gbogbo inilara ti a ndojuko, yio si lo gbogbo akoko inilara lati ran iwa ati igbekele wa lati dagba sii. Yi o so wa di ohun elo ti o mu fefe ti o ye fun ogo re.

ADURA

Olorun olufe, ko mi ni gbogbo eko to ye ki emi mo, je ki nle kekobo ti ye, ki nsi lo gbogbo ipenija ti mo ba dojuko lati ru/ko iwa ati igbokanlemi, ki emi le ye fun owo re. Yi gbogbo ero ibi ota pada si rere fun mi. Ko mi, ki ore-ofe re si wa ninu aye mi, ki emi le se aseyori nile aye yi, ati ninu ijoba re pelu. Ni oruko Jesu Kristi ni mo beere. Amin.