Na Time To Dey Do Ur Promise To Fit Collect Ur Blessing
God say make Israelites obey and make them redeem their promise for him front,make them no comot eye for any promise or reason am say e no get meaning,but redeem all di promise fo beta time and gud character. God talk say him take am like offense if Israelite no fulfill dea promise to am and him go force dem to redeem am. Na God tell him children like that say if promise God anything you must no teh before you do am because God must ask for ur hand wetin you promise am. And na big sin igo bi fo you,but if you no make any promise no bi sin because any talk wey com out fo mouth as promise you must keep am and do as you take talk am because na you volunteer yourself fo di Lord your God wit your mouth. (Deut 23:21-23).
LESSON
Our papa wey dey fo heaven na God of promise him bi and him no dey fail fo him promise. Him go do any promise wey him make to him children to di last day as prove say him dey faithful. Na that same God still dey God promise still dey expect him children to get the same character and to fit dey do am. Him want make him children fit respect dea word and to fit keep any promise wey dem do fo him present.
Jehovah want make we dey practice how to redeem our promise fo him front so him go fit hold anybody wey fail to do am as e no take good plenty born again sabi make mouth with dea talk dem too dey fast dey make promise/but sharp sharp forget them. Some pipu go give God dea time,money or dea property anytime wey dem need him help,but na to forget dea promise later,some go even say O God if you fit help me comot this difficult time i go take my life take serve you. later dem go forget dea promise waka comot wit prayer wey don answer and God no go forget any promise wey man or woman say them forget: Him go redeem all di promise and him fit delay everybody blessing as punishment say dem no fulfill dear promise. So born again must see am as matter wey serious fo God eyes. Everybody suppose to respect word and no bi to dey open mouth anyhow promise to God self to really redeem our promise so dem go fit dey accepted.
Anyway born again understand say our call na to obey di law to redeem promise to God no bi to show say him no get. Jehovah no dey poor and him no need our gift to fit survive.The only thing wey him need na our faithfulness so that him fit dey happy to give us plenty plenty blessing fo our life,once we fit prove say we bi person wey dey faithful our God go fit release him better blessing fo our gain so we go fit dey praise him name.
