MA SE SE ANIYAN OHUN KOHUN

Jesu Kristi so fun awon tin too lehin ki won mase se aniyan lori ohun kohun, sugbon ki won gba Olorun gbo. Onigbagbo ni lati kun fun ayo ki won si ni ireti nigba gbogbo. Ki a ni ireti ninu ileri Olorun pe yi o wa si imuse. Jesu wipe, nitori naa mo wi fun yin. E mase se aniyan nitori emi nyin ohun ti e o je, ati fun ara nyin ohun ti e o fi bora. Emi ko ha ju ounje lo? Tabi ara mi ko ju aso lo? E sa wo eye oju orun, won kii furugbin, bee ni won kii kore, won kiisi kojo sinu aba, sugbon Baba yin ti nbe ni orun nbo won. Eyin ko ha san ju won lo. Ta ni ninu yin nipa aniyan sise ti o le fi igbonwo kan kun ojo aye re? Eese tie yin si fin se aniyan nitori aso kiyesi lili ti nbe ni igbe won ti ndagba, won kii sise, bee ni won ki iranwu. Mo si wi fun yin pe, a ko se Solomoni papa ni oso ninu gbogbo ogo re to bi okan ninu wonyi.

Nje bi Olorun ba wo koriko igbe ni aso bee, eyi ti a wa loni, ti a si gbaa sinu ina lola, meloo-meloo ni ki yoo fi le wo yin ni aso, eyin oni-kekere igbagbo. Nitori naa e mase se aniyan wipe, kin ni a o je? Kin ni a o mu tabi, aso wo ni a o fi wo wa? Nitori gbogbo nnkan wonyi ni awon Keferi nwa kiri. Nitori Baba yin ti nbe ni orun mo pe, eyin ko lee se alaini gbogbo nnkan wonyi. Sugbon e tete maa wa ijoba Olorun na, ati ododo re gbogbo nnkan wonyi ni a o si fi kun un fun yin. Nitori naa e ma se se aniyan nitori ola, ola ni yoo se aniyan ohun ara re. Buburu ti oojo to fun un (Matiu 6:25 – 34)

EKO

Awon ti o ba nsi Olorun ko ye lati maa se aniyan fun ohunkohun, sugbon ki a ni igbagbo ninu Olorun. Onigbagbo ni lati gba Olorun gbo lati mu won bori ipenija. Ki won si wonu isegun. Kristeni ni lati mo wipe, igbogun Satani ni lati mu iberu ba wa nipa idojuko ti a ni. Erongba re ni lati mu wa siyemeji si Olorun ki a si subu ninu igbagbo

Kristeni Kankan mase gba ota laaye. A ni lati kun fun igbagbo ki o si ni ireti nla. Bi o se nduro ninu igbagbo ti ko mi, Olorun yi o yi idanwo wa pada si eri, yi o si je ki oju ti Satani. Oloruin yi o sesan igbagbo wa yi o so o di eri.

ADURA

Olorun olufe, jowo ran mi lowo lati ni igbagbo ti ko mi. Ran mi lowo lati siwo sise aniyan lori ipenija aye gbogbo. Ran mi lowo lati mo pe iwo ni alakoso aye mi. O o si se asepe ohun gbogbo nipa tie mi. Bi mo se ngba o gbo, yi eyi ti ko dara mi pada si didara; je ki emi ni eri didara lati jeri pelu awon onigbagbo ti o ku ni gbogbo aye. Ni oruko Jesu Kristi ni mo beere Amin.