GBA OLORUN GBO NIGBA GBOGBO
Awon ara Judah se inunibini si Jeremiah, nitori pe o so ero okan Olorun fun won. Eebu yi fa iporuru okan, ti wolii fi ngbero lati dawo duro ojuse re. O nronu lati dake siso otito, sugbon Emi Olorun ko ni gba a laye. A salaye gboglohun Jeremiah bi a se ko o ‘Oluwa, iwo ti fi oro ro mi, emi si gba riro, iwo ni agbara ju mi lo, o si bori mi, emi di eni iyo- suti si lojojumo, gbogbo won ni ngan mi. Nitori lati igba ti mo ti soro emi kigbe, mo ke, iwa-agbara, ati iparun, nitori a so oro Oluwa di ohun egan ati itiju fun mi lojoojumo. Nitori naa, mo si wi pe, emi ki yio mu ni ranti re, emi ki yio si so oro nu oruko re mo, sugbon oro re nbe bi ina ti njo ninu mi ti a se mo inu egungun mi, o si re mi lati paa mora, emi ko le see (Jeremiah 20:7-9)
EKO
A ro Kristeni lati di otito mu, ki won si maa so okan Olorun ni gbogbo igba. A nreti wa lati so otito, bi ko tile rorun sugbon Olorun se ileri isegun fun wa. A ko gbodo je ki ihale awon eniyan sun wa lati se aigboran si Olorun. Omo Olorun ni awa Kristeni, a nilati gboran si ase re nigba gbogbo. Iwa otiti wa yio gbe oruko Olorun ga, yio si mu ki eniyan pupo lati ronu nipa re. (Awon eniyan yio sin Olorun bi won ba nronu nipa re). Iwa igboran wa yio jasi ibukun fun wa, bi Olorun ti se ileri….. Awon ti o bu ola fun mi i emi o bu ola fun won, ati awon ti ko ka mi si ni a o si se alaikasi (1 Samuel 2:30)
ADURA
Olorun Olufe, jowo je kin le duro fun o nigba gbogbo. Je ki emi lee duro ninu otito, ki nsi gboran si ofin re. Mase je ki emi tori ihale aye yi se aigboran si o. Je ki emi je olododo, ki nbaa le te o lorun. Je ki beeni mi ko je beeni, ki bee ko mi ki o je bee ko. Si je ki emi maa so otito inu Bibeli fun awon eniyan, mase je ki emi tele awon imoran ti o je aiwa bi Olorun. Ran mi lowo lati le maa gbe gege bi Bibeli ti fe, ki iwo le bukun mi ni aye yi ati ni orun. Ni oruko Jesu Kristi ni mo beere. Amin.
