APE AWON KRISTIENI LATI GBE IGBE AYE AWOKOSE

Paulu pe Filemoni ni arakunrin, omo riri re bi o ti je iranse ti o dara fun Jesu Kristi. Paulu wipe Emi ndupe lowo Olorun mi nigba gbogbo, emi nse iranti re ninu adura mi. Bi mo ti ngbo ti ife re ati igbagbo ti iwo ni si Jesu Oluwa, ati si gbogbo awon eniyan mimo. Ki idapo igbagbo re le lagbara ni imo ohun rere gbogbo ti nbe ninu yin si Kristi. Emi sa ni ayo pupo ati itunu nitori ife re, nitori ti a tu okan awon eniyan mimo lara lati owo re wa. (Filemoni 1:4-7)

         
EKO

Kristeni ni lati je iriju, asoju, ati iranse ti o dara fun Jesu Kristi. A nilati gbe igbe aye ti o dara looto, ti yio mu ki alaigbagbo pinu lati di Kristeni pelu. Kristeni ni lati kun fun igbagbo, ki a fiwa jo Jesu Kristi ni gbogbo aye wa. Gege bi asoju Kristi ni aye, imotara eni nikan, igberaga okan, ifekufe ara, ati awon aiwabi Olorun miran ni ki a ma ri ni ayika wa. Igbe aye wa nilati kun fun ore-ofe, ki a si rii wipe, oruko Oluwa ni a nyin logo ni gbogbo ona wa.

ADURA 

Olorun Olufe jowo se mi ni Kristeni tooto ki igbe aye mi yio je okunfa ti awon eniyan yio fi se arikose. Se mi ni iriju ati iranse ti o dara, ki emi jo E ninu oro enu mi ati isesi mi. Ro mi ni agbara Emi Mimo re, ki igbe aye mi le se itewogba niwaju re nigba gbogbo, ki emi lee yege lati gba ere ayeraye ni orun. Ni oruko Jesu Kristi ni mo beere. Amin