OLORUN KO SE NBA FIGAGBAGA

Awon Omo Israeli ko ikilo Olorun ti o wipe ki won mase lo si ile Egipti fun iranlowo. Won doju ko Jeremiah won si wipe Olorun ja won kule, nitori naa awon yio se ohun ti o ba wu won, enikeni ko si lee da won duro. Bibeli salaye ohun ti Israeli se nigba naa ni gbogbo awon okunrin ti won mo daju pe, awon aya won ti sun turari fun Olorun miran, ati gbogbo awon obinrin ti o duro nibe, apejo nla, ati gbogbo awon eniyan ti ngbe ile Egipti ani ni Patrosi, da Jeremiah lohun, wipe oro ti iwo so fun wa ni oruko Oluwa awa ki yio feti si tire. Sugbon dajudaju awa o se ohunkohun ti o jade lati enu wa wa, lati sun turari fun ayaba orun, ati lati da ebo ohun mimu fun un, gegebi awa ti se, awa ati awon baba wa, awon oba wa, ati awon ijoye wa ni ilu Juda, ati ni ita Jerusalemu, nigba naa, awa ni ounje pupo a si se rere, a ko si ri ibi? Sugbon lati igba ti awa ti fi sisun turari fun ayaba orun sile, ati lati da ebo ohun mimu fun un, awa ti se alaini ohun gbogbo, a si run nipa ida ati nipa iyan. Ati nigba ti awa sun turari fun ayaba. Orun, ti a si da ebo ohun mimu fun un, leyin awon oko wa ni awa ha din akara didun re lati bo o ti a si da ebo ohun mimu fun un bi? (jeremiah 44:15-19) Bayi ni Oluwa awon omo ogun, Olorun Israeli so wipe eyin ati awon aya yin eyin fi enu yin soro e si fi owo yin muu se, e si wipe, looto awa o san eje wa ti awa ti je, lati sun turari fun ayaba orun at lati da ebo ohun mimu fun un, nje ni pipamo, e pa eje yin mo, ati ni sisan e san eje yin. Nitori naa e gbo oro Oluwa, gbogbo Juda ti ngbe ile Egipti, sa woo, emi ti fi oruko nlanla mi bura ni Oluwa wi, pe a ki yoo pe oruko mi ni enu okunrin-kunrin Juda ni gbogbo ile Egipti, wipe Oluwa Olorun wa. Woo emi o so won fun ibi, ki sii se fun rere ati gbogbo awon okunrin Juda ti o w a ni ile Egipti ni a o run nipa ida ati nipa iyan, titi won o fi tan. Ati awon ti o sa la lowo ida, yio pada ni iye die lati ile Egipti si ile Juda ati gbogbo iyoku Juda, ti o lo si ile Egipti lati satipo nibe yio mo oro tani yio duro, t’emi tabi ti won. Eyi ni yio si je ami fun yin, ni Oluwa wi, pee mi o je yin niya ni ibi yi, ki eyin le mo pe, oro mi yio duro dajudaju si yin fun ibi. Bayi ni Oluwa wi, woo emi o fi farao-hofra Oba Egipti, le owo awon ota re, ati le owo awon ti nwa emi re, gege bi emi ti fi Sedekiah, Oba Juda, le owo Nebukadnessari, Oba Babeli Ota re, ti o si wa emi re. (Jeremiah 44:25-30)

         
EKO

Olorun ju eda eniyan lo, kii se egbe wa ni ojo rara, o ye ki a b’owo ki a si b’ola fun-un. Ko si ipo eniyan ti a le fi we ipo Olorun. Bi orun se jina si ile, beni Olorun ni agbara ju wa lo. Jehofa ni amuye ti a ko lee fi we ti omo eniyan. Oun ni o ni ase ti o ga ju, ohunkohun ti o ba wi, enikeni ko lee takoo. Bi Olorun se fi ewa ati ola se awa eniyan leso ko tumo si pe egbe ni wa pelu Olorun. Olorun yio maa je Olorun, eniyan yio de maa je eniyan. Niwon bi a ti je ise iseda Olorun, gbogbo wa nilati b’ola ki a si b’owo ti o to fun-un. Eda eniyan ni lati bowo fun Olorun, ki a tele ofin re ki a le se rere. Olorun yio b’ola fun awon ti o ba b’ola fun-un. Awon ti o ba gan ni oun yio gan pelu.

ADURA 

Olorun Olufe jowo fun mi ni okan ti yio bola fun o. Mase je ki emi ri o fin ni onakona. Mase je ki nmu ore ofe re pelu owo yepere, sugbon je kin sin o bo ti ye, ki nsi pa ofin re mo gboran si ase re. Ohunkohun ti mo leeda ni ile aye je ki emi wa ni irele si o. Je ki emi mo wipe, o je ohun gbogbo fun mi. Jowo se ara re logo ninu aye mi, bi mo ti pinu lati tele o pelu okan otito. Ni oruko Jesu Kristi ni mo beere. Amin