OLORUN KI YIO FI O SILE TITI LAI

Israeli ti o la akoko ogun ja, yio je anfani ifokanbale ati Alafia Oluwa. Olorun se ileri lati da gbogbo ikolo ogun won pada pelu idaniloju isimi ati abo. A koo sinu bibeli wipe, ‘Ni akoko naa, ni Oluwa wi, ni emi yio je Olorun gbogbo idile Israeli won yio si je eniyan mi. Bayi ni Oluwa wi, eniyan ti o sala lowo ida ri oore-ofe ni aginju, ani Israeli nigba ti emi lo lati mu un lo si isinmi re. Oluwa ti fi ara han fun mi lati okere pe nitooto emi fi ifeni ayeraye fe o nitori naa ni emi ti se pa oore-ofe mo fun o. (Jerimaya 31:1-3)

         
EKO

Olorun je Oluwa to ni ife ati aanu titi ayeraye, yio si maa saanu fun awon omo re. Ko ni ko awon omo re ti, sugbon yio saanu fun won. Jehofa yio fa awon omo re dide nibi ti won subu si, yio si dabobo won ni akoko rukerudo. Olorun alaanu si nreti awon omo re ki won ronupiwada, ki a ni okan titun ati iwa titun lehin imupada sipo wa. O se Pataki ki omo Olorun jowo ara re pelu okan irele fun Olorun, ki o si ronupiwada kuro ninu ese re. Enikeni ti o ba fi irele wa sodo Olorun yio di eni irapada. A koo wipe, E wa sodo mi, gbogbo eyin ti nsise, ti a si di eru wuwo le lori, emi o si fi isimi fun yin. (Matiu 11:28). Olorun yio na owo idariji re si enikeni ti o ba re ara re sile lati ronupiwada kuro ninu won. Jehofa yio toju elese to ba ronupiwada, yio si fun won ni ibugbe Alafia.

ADURA 

Olorun Olufe, mo kanu fun gbogbo ese mi, looni mo ronupiwada kuro ninu ese mi gbogbo. Mo too wa pelu igbagbo to dara. Jowo pa ese mi re ki o si ra okan mi pada. Fun mi ni okan bi ti Olorun, ki emi si fi suuru gboran si ase re, ki nfi otito sin o lati akoko yi lo, mo fi gbogbo aye mi fun o, emi o fi gbogbo iyoku aye mi sin o. Jowo da pada sinu aye mi ayo igbala re. Ko oruko mi sinu iwe iye, ki o si ka mi ye titi lae fun jijogun ijoba re. Ni oruko Jesu Kristi ni mo beere. Amin