IDANILOJU ILERI OLORUN

Paulu ni idojuko ni gbogbo ona nitori ihinrere, sugbon Olorun dabobo aye re, ki o tesiwaju ninu okowo ijoba re. Olorun ran Paulu lowo lati bo ninu inunibini awon Juu ati riri oko loju agbami o si gbaa la lowo (pamole) ejo oloro. Bibeli wipe nigba ti Paulu si sa idi iwon iwo igi jo, ti o si koo sinu ina, pamole kan ti inu ooru jade, o di mo on ni owo. Bi awon alaigbede naa si tiri eranko oloro naa ti di mo on ni owo, won ba ara won so pe, Dajudaju apaniyan ni okunrin yii, eni ti o yo ninu okun tan, sugbon ti esan ko si je ki o wa laaye. Oun si gbon eranko naa sinu ina, ohunkohun kan ko se e. Sugbon won nwoye igba ti yio subu lule ku lojiji, nigba ti won wo titi ti won ko si ri nnkankan ko se e, won pa eero da pe, orisa kan ni okunrin yii. (Awon Aposteli 28:3-6)

EKO

Ileri Olorun daju lori awon omo re. Yio mu ileri re se le wa lori, yio si fun wa ni isegun. A le dojuko awon ohun ti ko te wa lorun ninu aye yi, ti o le fe dan wa wo lati siyemeji agbara Olorun ti o le gba wa. Sugbon a ni lati gba Kristeni ni iyanju lati duro sin sin ninu igbagbo. Olorun wa ti o da ohun gbogbo, lo ni igbe aye wa labe akoso re. Ko ni ja wa kule, sugbon yio fun wa ni isegun. Ileri Olorun yio se lori wa, Satani ko le se ohunkohun lati da won duro. Je ki gbogbo omo Olorun wipe mo gbagbo ninu agbara Olorun fun abo mi, ipese ati imularale mi.

ADURA

Olorun olufe, jowo ran mi lowo lati je alagbara ninu igbagbo ni gbogbo igba. Je ki emi maa jewo kin si maa so asotele rere, titi gbogbo isoro mi yio fi tan. Boya nkankan te mi lorun tabi ko te mi lorun, je ki emi maa soro to dara, ki nsi duro gbon in gbon in. Je ki ijewo mi ni gbogbo igba je wipe mo mo Olorun ti mo nsin, ko ni ko mi sile ni igba kii gba, sugbon yio gba mi, yio si pese fun gbogbo aini mi. Ni oruko Jesu Kristi ni mo beere. Amin.