AYE TITUN

Olorun ti seto ona abayo fun rukerudo ti o gba ile aye kan. O ti ran omo re Jesu Kristi lati seto ijoba pipe ti ko ni si buburu ninu re. Bibeli wipe ‘Saa woo, ojo nbo ni Oluwa wi, ti emi o gbe Eka ododo soke fun Dafidi, yio si se idajo ati ododo ni ile naa. Ni ojo re ni a o gba Juda la, Israeli yio si maa gbe ni ailewu, ati eyi ni oruko ti a o maa pee Oluwa, ODODO WA. (Jeremiah 23:5-6)

         
EKO

Jesu Kristi ni idahun pipe si gbogbo rukerudo ile aye. Yio gba aye la nipa siseto ijoba tuntun ni aye, aye yi isisinyin yio parun. Aye titun ko ni si buburu ninu re. Jesu Kristi ni yio joba lori re, Alafia ati oro yio je ti olugbe inu re. Bibeli wipe ‘mo si ri orun titun kan ati aye titun kan nitori pe orun ti isaju ati aye isaaju ti koja lo, okun ko si mo, mo si ri ilu mimo nni, Jerusalemu tuntun n ti orun sokale lati odo Olorun wa, ti a mura sile bi iyawo ti a se losoo fun oko re. Mo si gbo ohun nla kan lati ori ite nni won wipe, kiyesii ago Olorun wa pelu awon eniyan, oun o si maa ba won gbe, won o si maa je eniyan re, ati Olorun funra re yio wa pelu won, yio si maa je Olorun won. Olorun yio si nu omije gbogbo nu kuro ni oju won, ki yio si si iku mo, tabi ofo, tabi ekun, bee ni ki yio si irora mo, nitori pe ohun atijo ti koja lo. Eni ti o joko lori ite nni si wi pe kiyesi I, mo so ohun gbogbo di otun, o si wi fun mi pe, kowe re, nitori oro wonyi ododo ati otito ni won. (Ifihan 21:1-5) kii se gbogbo awon ti o wa ninu aye yi ni yio ni ipin ninu aye titun ti o nbo wa. Awon kan ko ni le woo, iye awon ti won ti jewo Jesu Kristi ni Oluwa ati Olugbala won ni a o fun laye ninu aye titun ti o nbo. Awon alaigbagbo ni a o ti sita orun rere. Ipin won yio wa ninu ogbun ina ti a npe ni orun ina, apadi’. O je ohun ti o lewu fun enikeni lati ku laini Jesu Kristi. O si tun lewu fun enikeni lati ri opin aye yi lai jewo Jesu Kristi ni Oluwa ati Olugbala re bi Bibeli ti salaye ‘sugbon awon ojo ati alaigbagbo, ati eni irira, ati apaniyan, ati agbere, ati oso, ati aborisa, ati awon eke gbogbo, ni yio ni ipa tiwon ninu adagun ti nfi ina ati sulfuru jo, eyi tii se iku keji. (Ifiyan 21:8 Nitorinaa gbogbo eniyan ni lati gbe igbese igbagbo lati jewo Jesu Kristi ni Oluwa ati Olugbala ki o ba le ni igbala.

ADURA 

Jesu Kristi Olufe, mo gbagbo pe iwo ni Omo Olorun ti a ran lati wa gba araye la, mo jewo re bi Oluwa ati Olugbala mi. Mo jewo awon ese mi, mo si ko won sile, mo se ipinu lati sin o ni gbogbo aye mi. Jowo ko oruko mi sinu iwe iye, ki o si ka mi ye bi ajogun ijoba re. Ni Oruko Jesu Kristi ni mo se ijewo ati ikede. Amin.