AWON IRANSE OLORUN GBODO JE ENI TI O GBA EKO ATI IBAWI

Awon iranse Olorun ni lati duro sinsin nipa titumo Bibeli. Won nilati so oju abe niko, ki won si so otito lati oripepe b’oya o rorun tabi ko rorun, awon iranse Olorun ni lati so otito, ki awon eniyan lee mo ohun ti Olorun nbeere lowo won. Olorun je ki o ye Wolii ISIKIELI ewu nla ti o wa lori re bi o ba ko lati so otito okan Olorun bo ti ye. Olorun se ikilo fun Esekieli wipe omo eniyan, mo ti fi iwo se Oluso fun ile Israeli, nitori naa gbo oro ni enu mi, si kilo fun won lati odo mi wa, nigba ti emi wi fun eniyan buburu pe, iwo o ku nitooto, ti iwo ko si kilo fun un, ti iwo ko soro lati kilo fun eniyan buburu naa yio ku ninu ese re, sugbon eje re ni emi o beere ni owo re, sugbon bi iwo ba kilo fun eniyan buburu ti ko si kuro ninu buburu re, ti ko yi pada kuro ni ona buburu re, yio ku ninu ese re, sugbon orun re mo. Ewe nigba ti olododo ba yipada kuro ninu ododo re, ti o si da ese, ti mo si fi ohun idigbolu siwaju re yio ku, nitori ti iwo ko kilo fun-un, yio ku ninu ese re, a ki yio ranti ododo re ti o ti se, sugbon eje re ni emi o beere ni owo re. Sugbon bi iwo ba kilo fun olododo, ki olododo ki o ma dese, ti oun ko si se, yio ye nitooto, nitori ti a kilo fun un, orun re si mo. (Isikieli 3:17-21)

         
EKO

Awon iranse Olorun je ohun elo iyebiye, ko si fe ohunkohun ju ki won ni ikora-eni-ni- ijanu lo. Olorun pon awon eniyan re le, awon iranse re nilati san an pada nipa siso ero okan re fun awon eniyan ki won mase subu. Iranse Olorun ko ye lati sin Olorun boba se wu won, sugbon ni gbogbo igba won nilati tee lorun. Ola nduro de iranse ti o ba se ise re daradara, ijiya sin be fun iranse ti o ba kuna ninu ise iranse re si Oluwa re. Niwon bi eledaa se nreti iranse ki o je asoju re, won ko gbodo fi fale lati se ojuse won, ni sise eyi, ibinu Olorun yio kuro lori won, opolopo aseyori yio si je tiwon.

Eku ori ire fun awon iranse ti o nfi otito sin Olorun, nitori won o gba esan won ni aye ati ni Orun.

ADURA 

Olorun Olufe, jowo se mini Olotito iranse ti yio fi tokan tokan sin o. Je ki ndi oro re mu, ki n maa sin o pelu gbogbo okan mi. Fun mi ni okun lati le maa so otito ni gbogbo igba, b’oya o rorun tabi ko rorun. Je ki oro mi ati isesi mi ki o ma gbogo re ga, ki o wu awon eniyan lati sin o. Jowo fun mi ni ifami ororo yan lotun, ki emi lee sin o ni otito titi de opin. Bakanna, mo gbadura fun gbogbo iranse re ni gbogbo agbaye. Fun won ni agbara ki won lee sin o tokantokan. Je ki won gbe igbe aye alawokose, ki oruko re le di yinyin logo laarin eniyan won. Ni oruko Jesu Kristi ni mo beere, Amin.